المينو ديالك يستاهل يتشاف، ماشي غير يتقرا.
بانوهات المينو، الفلايرز، الديبليان والفيجيوال لي كايهضرو على المطاعم والسناكات المغربية. تمن واضح، وقت قصير، وملفات جاهزين للطبع.
خلّي السناك ديالك يهضر على راسو. 🍔
كل تصميم كنخدموه بعناية، من المقاس للتفاصيل، باش يجي مناسب للسناك ديالك ويعكس الستايل ديالو.
نماذج من خدمتنا
شوف بعض التصاميم اللي خدمنا. كل واحد فيهم مصمم باش يناسب الهوية والجو ديال المطعم أو السناك.
الزبناء ديالنا
بزاف ديال السناكات اختارو الخدمة ديالنا. دابا الدور عليك.
شنو قالو علينا.
كلام الناس اللي جربو خدمتنا.
صيفطنا تصويرة ديال المينو القديم ديالنا، ومن بعد يومين كان عندنا بانو واضح، نظيف، بالأتمان الصحاح.
الفلاير ديال الافتتاح ديالنا كان جاهز فالوقت، والطابع ما كانش عندو حتى مشكل مع الملف.
كنا بغاو مينو بجوج اللغات فرنسية/عربية بلا ما تكون فيه شي حاجة معوجة. النتيجة جات نظيفة من الجوج الجهات.
كنا بغاو فلاير بسيط للتوصيل، بلا تعقيدات. وصلنا فـ 48 ساعة، بالضبط شنو لي طلبنا.
ثلاث خطوات وكتكون واجد.
كنهضرو على شنو خاصك
ميساج فالواتساب ولا 10 دقايق فالمكالمة، كافيين باش نفهمو الفكرة ديالك ونشوفو شنو مناسب ليك.
كنوصلو للاقتراح اللي مناسب ليك
كنسمعو ليك، كنقترحو عليك اللي مناسب، وكنعدلو حتى نوصلو للتصميم اللي باغي.
كتوافق، وحنا نكمّلو الباقي.
عجبك التصميم؟ صافي، خلي الباقي علينا.
شنو كيميز ograph.ma؟
تصميم على حساب السناك ديالك
ما كنخدموش نفس الخدمة للجميع. كنشوفو الستايل ديال السناك ديالك وكنصايبو تصميم لايق عليه.
ما نضيعوش ليك الوقت
كنخدمو بسرعة وبمواعيد واضحة، باش التصميم ديالك يكون واجد فـالوقت اللي محتاجو فيه.
بلا تعقيد وبلا صداع
طريقة الخدمة بسيطة: كتشرح لينا شنو محتاج، حنا كنخدمو عليه، وانت كتقول لينا شنو بغيتي نبدلو.
نخليوك تبان مختالف على المنافسين ديالك
الهدف هو يكون عندك تصميم كيشد العين، واضح، وكيخلي السناك ديالك يبان مختلف.
بعض الأسئلة الشائعة
ما عنديش LOGO ولا هوية بصرية، واش نقدر نقاد Menu ؟+
أكيد. نقدروا نبداو معاك من الصفر، ونصايبو ليك ستايل بسيط ومناسب للسناك ديالك، أو نخدمو بأي حاجة عندك دابا، حتى إلا كانت غير صورة ديال المينو القديم ولا فكرة فراسك.
واش كتقادو بالطباعة؟+
كنسلمو الملفات جاهزين للطبع ونقدرو نرشحو ليك مطبعة. إلا بغيتي نتكلفو بالطباعة، قوليها لينا فوقت الديفي.
شحال كيداوم الوقت حسب الدعامة؟+
فلاير ولا كارط QR: 48 ساعة عادة. بانو مينو كامل ولا هوية بصرية: من 3 حتى 5 أيام، حسب عدد المرات ديال التصحيح.
واش كتخدمو مع مطاعم فكل المغرب؟+
أيه، كلشي كيتدار عن بعد فواتساب وكتوصلك الملفات ديجيتال، فأي بلاصة ما كنتي.
اطلب مباشرة فـ WhatsApp
صيفط لينا تصويرة ديال المينو الحالي ديالك ولا غير لائحة ديال الأطباق. بلا موعد، بلا تعقيدات.